धाराशिव- संघर्षयोद्धा मनोज जरांगे पाटील यांच्या नेतृत्वाखाली सुरू असलेल्या मराठा आरक्षण आंदोलनाला मोठ्या प्रमाणावर जनसमर्थन मिळत आहे. या आंदोलनात सहभाग घेण्यासाठी मुंबईकडे जात असताना तसेच आंदोलनाच्या काळात पाच मराठा बांधवांचे दुर्दैवी निधन झाले.
मृतांमध्ये सतीश देशमुख (रा. वरणगाव, ता. केज, जि. बीड),विजय चंद्रकांत घोगरे (रा. टाकळगाव, ता. अहमदपूर, जि. लातूर),अतुल खवचट (रा. केसापुरी, ता. बीड, जि. बीड),गोपीनाथ जाधव (रा. बोराळा, ता. वसमत, जि. हिंगोली) आणि भारत यादव खरसाडे (रा. आहेर वडगाव, ता. बीड, जि. बीड) यांचा समावेश आहे.
कुटुंबांच्या दुःखात सहभागी होत परिवहन मंत्री मा. प्रताप सरनाईक यांनी संवेदनशील निर्णय घेतला आहे. त्यांनी स्वखर्चातून मृत आंदोलनकर्त्यांच्या प्रत्येक कुटुंबाला पाच लाख रुपये आर्थिक मदत देण्याची घोषणा केली आहे.
ही मदत संघर्षयोद्धा मनोज जरांगे पाटील यांच्या हस्ते कुटुंबियांना प्रदान करण्यात येणार आहे.
या निर्णयामुळे मृतांच्या कुटुंबियांना दिलासा मिळेल, अशी प्रतिक्रिया मराठा समाजातून व्यक्त होत आहे.
लोकमदत न्यूज “सत्य शोधून लिहिण्याची ताकद”
संपादक अमजद सय्यद 8390088786
