नळदुर्गच्या शिरपेचात मानाचा तुरा: शेख शहबाज अकबर यांची सोलापूर महानगरपालिकेत ‘सिव्हिल इंजिनिअर’ पदी निवड
नळदुर्ग (प्रतिनिधी) अझहर शेखनळदुर्ग शहराच्या शिरपेचात मानाचा तुरा रोवला गेला असून, येथील तरुण तडफदार व्यक्तिमत्व *शेख शहबाज अकबर* यांची सोलापूर महानगरपालिकेत *,सिव्हिल इंजिनिअर,स्थापत्य अभियंता* या पदावर शासकीय नियुक्ती झाली आहे. त्यांच्या या यशाबद्दल संपूर्ण नळदुर्ग शहरातून आणि परिसरातून त्यांच्यावर कौतुकाचा वर्षाव होत आहे.शेख शहबाज यांनी अत्यंत मेहनतीने आणि चिकाटीने आपले शिक्षण पूर्ण केले. स्पर्धा परीक्षेच्या युगात त्यांनी आपल्या जिद्दीच्या जोरावर हे यश संपादन केले आहे. त्यांची ही निवड म्हणजे त्यांच्या कष्टाचे आणि सातत्याचे फळ असल्याचे बोलले जात आहे. नळदुर्ग सारख्या ग्रामीण भागातील युवकाने शासकीय सेवेत उच्च पदावर मजल मारल्याने परिसरातील विद्यार्थ्यांसाठी ते एक प्रेरणास्थान ठरले आहेत.त्यांच्या या निवडीची बातमी समजताच नळदुर्ग शहरातील मित्रपरिवार, नातेवाईक आणि विविध क्षेत्रातील मान्यवरांनी त्यांचे अभिनंदन केले आहे. कष्टाची झाली कमाई, यशाची ही पहिली पायरी!अशा शब्दांत त्यांच्या यशाचा गौरव केला जात आहे.तुमच्या मेहनतीला, जिद्दीला आणि कष्टाला मिळालेलं हे यश खरंच अभिमानास्पद आहे. तुमच्या पुढील वाटचालीस आणि उज्ज्वल भविष्यासाठी खूप खूप शुभेच्छा! नळदुर्ग मित्रमंडळ व ग्रामस्थच्या वतीने देण्यात आले,शहबाज यांनी त्यांच्या यशाचे श्रेय आपल्या आई-वडिलांना आणि मार्गदर्शकांना दिले असून, त्यांनी दिलेल्या संधीचे सोने करून सोलापूर महानगरपालिकेच्या माध्यमातून जनसेवा करण्याचा मानस व्यक्त केला आहे.
लोकवीचार सत्य शोधून लिहिण्याची ताकद संपादक अमजद सय्यद 8390088786
