नळदुर्ग येथे अधिकमासानिमित्त ‘श्रीमद्भागवत सप्ताहा’चे आयोजन; परळकर परिवाराचा धार्मिक उपक्रम
नळदुर्ग : प्रतिनिधी अझहर शेख
हिंदू धर्मामध्ये अत्यंत पवित्र मानल्या जाणाऱ्या अधिकमास महिन्यानिमित्त देशभरात विविध धार्मिक कार्यक्रमांची रेलचेल सुरू आहे. या पवित्र महिन्याचे औचित्य साधून नळदुर्ग येथील प्रतिष्ठित नागरिक व सेवानिवृत्त वन अधिकारी श्री. विनय परळकर आणि महाराष्ट्र ग्रामीण बँकेच्या सेवानिवृत्त मॅनेजर सौ. सुप्रियाताई परळकर यांनी आपल्या निवासस्थानी भव्य ‘श्रीमद्भागवत सप्ताह’ ज्ञानयज्ञाचे आयोजन केले आहे.हा सोहळा दिनांक २५ मे ते ३१ मे या कालावधीत जगताप नगर, नळदुर्ग येथे संपन्न होणार आहे.वेदशास्त्रसंपन्न काशीकर महाराजांच्या अमृतवाणीतून कथाश्रवणया भागवत सप्ताहामध्ये वेदशास्त्रसंपन्न वेणुगोपाळाचार्य काशीकर हे आपल्या मंत्रमुग्ध करणाऱ्या अमृतवाणीने भागवत कथेचे निरूपण करणार आहेत. कथेचे स्वरूप आणि वेळ खालीलप्रमाणे असेल: सकाळी ८:०० ते १२:०० संस्कृतमधून संहितावाचन म्हणजे मूळ ग्रंथाचे पठण दुपारी ४:०० ते संध्याकाळी ६:०० :मराठीतून रसाळ अर्थानुवाद व कथा निरूपण गेल्या काही दिवसांपासून सुरू असलेल्या या ज्ञानयज्ञाची सांगता ३१ मे रोजी महाप्रसादाने आणि अत्यंत भक्तीमय वातावरणात होणार आहे. अधिकमासातील भागवत श्रवणाला अध्यात्मिक दृष्ट्या विशेष महत्त्व असल्याने परिसरातील नागरिकांमध्ये या सप्ताहाबाबत मोठा उत्साह दिसून येत आहे.भाविकांना उपस्थित राहण्याचे आवाहन जगताप नगर, नळदुर्ग येथील परळकर निवासस्थानी आयोजित या प्रवचन आणि कथाश्रवणाचा लाभ घेण्यासाठी नळदुर्ग व परिसरातील सर्व भाविक-भक्तांनी मोठ्या संख्येने उपस्थित राहावे, असे अगत्याचे आवाहन परळकर परिवाराच्या वतीने करण्यात आले आहे.
लोकविचार सत्य शोधून लिहिण्याची ताकद संपादक अमजद सय्यद 8390088786
