सचिन पांडकर यांची धाराशिव येथे अपर पोलिस अधीक्षकपदी नियुक्ती
धाराशिव लोकविचार
गेल्या तीन वर्षांपासून बीड जिल्ह्यात अपर पोलिस अधीक्षक म्हणून कार्यरत असलेले अधिकारी सचिन पांडकर यांची आता धाराशिव येथे अपर पोलिस अधीक्षकपदी नियुक्ती करण्यात आल्याची माहिती समोर आली आहे. त्यांच्या बदलीमुळे बीड जिल्ह्यात नव्या अधिकाऱ्याच्या नियुक्तीकडे सर्वांचे लक्ष लागले असून धाराशिव जिल्ह्यात मात्र त्यांच्या आगमनाबाबत उत्सुकता व्यक्त केली जात आहे.
सचिन पांडकर यांनी बीड जिल्ह्यात कार्यरत असताना कायदा व सुव्यवस्था राखण्यासाठी महत्त्वपूर्ण भूमिका बजावली होती. अनेक संवेदनशील प्रकरणांमध्ये त्यांनी प्रभावीपणे काम करत प्रशासनाविषयी जनतेमध्ये विश्वास निर्माण केला. गुन्हेगारी नियंत्रण, अवैध धंद्यांवर कारवाई तसेच सामाजिक सलोखा कायम राखण्यासाठी त्यांनी घेतलेल्या पुढाकाराची जिल्हाभर चर्चा झाली होती.
त्यांच्या शांत, संयमी आणि लोकाभिमुख कार्यपद्धतीमुळे नागरिकांमध्ये त्यांची वेगळी ओळख निर्माण झाली होती. विशेषतः तणावपूर्ण परिस्थितीत त्यांनी दाखवलेले नेतृत्व आणि समन्वय कौतुकास्पद मानले जाते. बीडमध्ये प्रदीर्घ काळ सेवा बजावल्यानंतर आता त्यांच्यावर धाराशिव जिल्ह्याची जबाबदारी सोपविण्यात आली आहे.
धाराशिव जिल्ह्यातही गुन्हेगारी नियंत्रण, कायदा-सुव्यवस्था आणि पोलिस प्रशासन अधिक सक्षम करण्यासाठी पांडकर यांच्या अनुभवाचा फायदा होईल, अशी अपेक्षा व्यक्त केली जात आहे. त्यांच्या नियुक्तीमुळे पोलिस विभागात सकारात्मक वातावरण निर्माण झाले असून विविध स्तरांतून त्यांचे स्वागत केले जात आहे.
लोकविचार सत्य शोधून लिहिण्याची ताकद संपादक अमजद सय्यद 083900 88786
