हजरत ख्वाजा शमशोद्दीन गाजी (रहे) वेल्फेअर सोसायटीचा भव्य सामुदायिक विवाह सोहळा तारीख जाहीर

हजरत ख्वाजा शमशोद्दीन गाजी (रहे) वेल्फेअर सोसायटीचा भव्य सामुदायिक विवाह सोहळा जाहीर

१८ वर्षांची अखंड परंपरा कायम गरजवंत कुटुंबांना मोठा दिलासा – नोंदणीसाठी हुसैनी यांचे आवाहन

उस्मानाबाद | लोकमदत न्यूज 

हजरत ख्वाजा शमशोद्दीन गाजी (रहे) वेल्फेअर सोसायटी, उस्मानाबाद यांच्या वतीने मागील १८ वर्षांपासून अविरत सुरू असलेला मुस्लिम समाजाचा सामुदायिक विवाह सोहळा यंदाही मोठ्या उत्साहात आयोजित करण्यात येणार आहे. समाजातील गरजवंत कुटुंबांसाठी हा उपक्रम मोठा आधार ठरत आहे.

सदरील सामुदायिक विवाह सोहळा माजी नगरसेवक तथा वेल्फेअर सोसायटीचे संस्थापक अध्यक्ष सय्यद नादेर उल्लाह हुसैनी यांच्या मार्गदर्शनाखाली होत असून, दरवर्षीप्रमाणे यंदाही हजरत ख्वाजा शमशोद्दीन गाजी (रहे) दर्गा परिसरातील कव्वाली मैदान येथे विवाह सोहळा पार पडणार आहे.

या सोसायटीच्या माध्यमातून आतापर्यंत शेकडो विवाह यशस्वीरीत्या पार पाडण्यात आले असून, समाजात या उपक्रमाबद्दल मोठा विश्वास निर्माण झाला आहे. आर्थिक अडचणीत असलेल्या कुटुंबांना सन्मानाने विवाह लावून देण्याचे कार्य ही संस्था सातत्याने करत आहे.

यंदाच्या विवाह सोहळ्यासाठी नोंदणी प्रक्रिया २८ मार्च २०२६ ते १२ एप्रिल २०२६ या कालावधीत सुरू राहणार आहे. मुलीचे वय किमान १८ वर्षे व मुलाचे वय किमान २१ वर्षे पूर्ण असणे आवश्यक आहे. इच्छुक पालकांनी आपल्या मुला-मुलींची नोंदणी लवकरात लवकर करून घ्यावी, असे आवाहन करण्यात आले आहे.

नोंदणीसाठी जन्मदाखल्यासह आवश्यक कागदपत्रे सादर करणे बंधनकारक असून अधिक माहितीसाठी ९८२२४५९१४० या क्रमांकावर संपर्क साधावा, असे आवाहन संस्थेचे अध्यक्ष सय्यद नादेर उल्लाह हुसैनी यांनी केले आहे.

समाजातील एकोपा व सामाजिक बांधिलकी जपणारा हा सामुदायिक विवाह सोहळा यंदाही मोठ्या प्रमाणावर पार पडणार असल्याची अपेक्षा व्यक्त होत आहे.

लोकमदत न्यूज सत्य शोधून लिहिण्याची ताकद

संपादक अमजद सय्यद 8390088786