सांजा येथे शिवसेना (उबाठा) उमेदवारांच्या प्रचारार्थ शिवसेना सहसंपर्कप्रमुख मकरंद राजे निंबाळकरांच्या नेतृत्वाखाली डोअर टू डोअर प्रचाराला जोरदार सुरुवात
धाराशिव / लोकमदत न्यूज
धाराशिव जिल्हा परिषद निवडणुकीच्या पार्श्वभूमीवर आज सांजा येथे सांजा जिल्हा परिषद गट मतदारसंघाचे शिवसेना (उद्धव बाळासाहेब ठाकरे) पक्षाचे अधिकृत उमेदवार प्रदीप सुभाष घोणे तसेच पंचायत समिती गणाचे अधिकृत उमेदवार सौ. आशा राजदीप गायकवाड यांच्या प्रचाराचा शुभारंभ करण्यात आला. शिवसेना उबाठा पक्षाचे सहसंपर्कप्रमुख तथा माजी नगराध्यक्ष मकरंद उर्फ नंदुभैया राजेनिंबाळकर यांच्या नेतृत्वाखाली डोअर टू डोअर प्रचार मोहिम राबवण्यात आली.
या प्रचारादरम्यान नागरिकांशी थेट संवाद साधत मशाल या निवडणूक चिन्हासमोरील बटन दाबून शिवसेना (उबाठा) पक्षाच्या अधिकृत उमेदवारांना प्रचंड बहुमताने विजयी करण्याचे आवाहन करण्यात आले. विकास, लोकहिताचे प्रश्न आणि जनतेच्या समस्या सोडवण्यासाठी शिवसेना पक्ष कटिबद्ध असल्याचे देखील त्यांनी यावेळी नमूद केले.
या प्रसंगी गावातील समस्त शिवसैनिक, पदाधिकारी तसेच ग्रामस्थ मोठ्या संख्येने उपस्थित होते. प्रचाराला उत्स्फूर्त प्रतिसाद मिळत असून आगामी निवडणुकीत शिवसेना (उबाठा) उमेदवारांना भरघोस पाठिंबा मिळेल, असा विश्वास देखील त्यांनी व्यक्त केला.
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786
