सांजा गटातील असंख्य कार्यकर्त्यांचा शिवसेना उद्धव बाळासाहेब ठाकरे पक्षात जाहीर प्रवेश…!
धाराशिव लोकमदत न्यूज
धाराशिव तालुक्यातील सांजा येथे विविध पक्षांतील व स्थानिक सामाजिक कार्यकर्त्यांनी शिवसेना उद्धव बाळासाहेब ठाकरे पक्षात जाहीर प्रवेश केला. या पक्षप्रवेशामुळे सांजा गावातील शिवसेनेची संघटनात्मक ताकद अधिक मजबूत झाली असून, जिल्हा परिषद व पंचायत समिती निवडणुकांच्या पार्श्वभूमीवर पक्षाला भक्कम व निर्णायक बळ मिळणार असल्याचे चित्र स्पष्ट झाले आहे.
पक्षप्रवेश करणाऱ्यांमध्ये हमू तात्या, संदीप कदम, प्रशांत सूर्यवंशी, देविदास सूर्यवंशी, नाना सूर्यवंशी, नंदू चांदणे, बंडू जकाते, संजय मोहिते, रामेश्वर गव्हाणे, निखिल जकाते, प्रशांत गायकवाड, शैलेश जकाते, नामदेव चांदणे, विनोद चांदणे, सुनिक चांदणे, नंदू पेठे, सोमनाथ कांबळे, श्रावण दाभाडे, सुनील बनसोडे, विजय चव्हाण, मुकुंद सूर्यवंशी, दत्ता कोळी, काका कदम, तुषार सूर्यवंशी, गंपू काकडे, अमोल जाधव आणि पप्पू रणखांब यांचा समावेश आहे.
या सर्वांचे स्वागत खासदार ओमप्रकाश राजेनिंबाळकर, आमदार कैलास पाटील, सहसंपर्कप्रमुख तथा माजी नगराध्यक्ष मकरंद राजेनिंबाळकर तसेच युवासेना जिल्हा सरचिटणीस यांच्या उपस्थितीत करण्यात आले. पक्षाच्या ध्येयधोरणांवर विश्वास ठेवून हे सर्व कार्यकर्ते शिवसेना परिवारात दाखल झाले असून, पुढील सामाजिक व राजकीय वाटचालीसाठी त्यांना शुभेच्छा देण्यात आल्या.
या पक्षप्रवेशामुळे सांजा जिल्हा परिषद गटात उत्साहाचे वातावरण निर्माण झाले असून, शिवसेनेच्या संघटन बांधणीला नवे बळ मिळाले आहे. आगामी स्थानिक स्वराज्य संस्थांच्या निवडणुकांमध्ये याचा सकारात्मक परिणाम दिसून येईल, असा विश्वास पदाधिकाऱ्यांनी व्यक्त केला आहे.
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786
