उल्लेखनीय कार्य करणाऱ्या वैद्यकीय अधिकारी नौमान शेख यांचा अधिष्ठाता चौहान यांच्या हस्ते गौरव
धाराशिव दि.२६ (प्रतिनिधी) – येथील शासकीय वैद्यकीय महाविद्यालय व रुग्णालयातील वैद्यकीय अधिकारी व विशेष वैद्य अधिकारी डॉ नौमान वाजिद शेख यांचा महाविद्यालयाचे अधिष्ठाता डॉ शैलेंद्र चौहान यांच्या हस्ते प्रमाणपत्र पुष्पगुच्छ देऊन दि.२६ जानेवारी रोजी सन्मानित करण्यात आले.
धाराशिव येथील शासकीय वैद्यकीय महाविद्यालय व रुग्णालयाच्या रंगनाथ प्रजासत्ताक दिनानिमित्त आयोजित करण्यात आलेल्या कार्यक्रमात डॉ नौमान शेख यांनी आरोग्य क्षेत्रातील वेळेवर रुग्णांना सेवा उपलब्ध करून देण्यासाठी केलेल्या उल्लेखनीय कामगिरीबद्दल त्यांना सन्मानित करण्यात आले. यावेळी उपअधिष्ठाता डॉ. शफीक अहमद मुंडेवाडी,
वैद्यकीय अधीक्षक तथा अतिरिक्त जिल्हा शल्य चिकित्सक डॉ. तानाजी लाकाळ, महिला रुग्णालयाच्या प्रमुख डॉ स्मिता गवळी,अधिसेविका सुमित्रा गोरे आदी उपस्थित होते. याबद्दल डॉ शेख यांचे सर्वत्र अभिनंदन होत आहे.
