लिंगायत धर्म मान्यतेसह समाजाच्या विविध मागण्यासाठी काढणार महामोर्चा
महामोर्चाच्या निमंत्रक व स्वागताध्यक्षपदी रवी कोरे यांची निवड
धाराशिव –
लिंगायत धर्माला स्वतंत्र मान्यता देण्यात यावी यासह समाजाच्या विविध मागण्यासाठी 7 डिसेंबर 2025 रोजी महामोर्चा काढण्यात येणार आहे. या महामोर्चाच्या निमंत्रक व स्वागताध्यक्षपदी रवी कोरे यांची सर्वानुमते निवड करण्यात आली.
धाराशिव येथील शासकीय विश्रामगृहात अखिल भारतीय लिंगायत समन्वय समिती च्या वतीने पत्रकार परिषद घेऊन महामोर्चा बाबत सविस्तर माहिती देण्यात आली. यावेळी अखिल भारतीय लिंगायत समन्वय समितीचे राष्ट्रीय समन्वयक अविनाश भोसीकर, बसव ब्रिगेड जिल्हाध्यक्ष परमेश्वर पाटील, संदीप पाटील (लोहारा), स्वप्नील ढोले (बार्शी), गणेश (भूम) यांच्या उपस्थितीमध्ये रवीभाऊ कोरे यांची महामोर्चाचे निमंत्रक व स्वागताध्यक्ष म्हणून सर्वानुमते निवड करण्यात आली. यावेळी अखिल भारतीय लिंगायत समन्वय समितीचे पदाधिकारी, सदस्य तसेच समाजबांधव उपस्थित होते.
