जुना राष्ट्रीय महामार्ग त्वरित सुरू करा; महाविकास आघाडी आक्रमक, प्रशासनाला आंदोलनाचा इशारा

जुना राष्ट्रीय महामार्ग त्वरित सुरू करा; महाविकास आघाडी आक्रमक, प्रशासनाला आंदोलनाचा इशारा शेतकरी संघर्ष समितीचा पाठिंबा; व्यापारी व भाविकांचे हाल,

नळदुर्ग (प्रतिनिधी) अझहर शेख

नळदुर्ग शहरातून गेलेला जुना राष्ट्रीय महामार्ग मूर्टा फाटा ते खंडोबा पणन दरम्यान वाहतुकीसाठी त्वरित पूर्ववत सुरू करण्यात यावा, या मागणीसाठी नळदुर्ग शहर व परिसरातील महाविकास आघाडीच्या पदाधिकाऱ्यांनी रास्ता रोको आंदोलन करण्यात आले,

राष्ट्रीय महामार्ग प्राधिकरणाचे प्रकल्प संचालक (NHAI) सोलापूर आणि नळदुर्ग पोलीस ठाण्याचे पोलीस निरीक्षक यांना लेखी निवेदन दिले आहे. हा रस्ता तातडीने सुरू न केल्यास तीव्र आंदोलन छेडण्याचा इशाराही देण्यात आला आहे.निवेदनात नमूद केल्यानुसार, नळदुर्ग येथून गेलेला जुना राष्ट्रीय महामार्ग मूर्टा फाटा ते खंडोबा पणन दरम्यान सध्या वाहतुकीसाठी पूर्णपणे बंद आहे. नळदुर्ग हे ऐतिहासिक शहर असून, या रस्त्यावरून येणाऱ्या पर्यटकांची संख्या मोठी असते. रस्ता बंद असल्याने पर्यटकांना नाहक वळसा घालून यावे लागत आहे. यामुळे शहराचे ऐतिहासिक महत्त्व कमी होत असून, स्थानिक व्यापारी व व्यावसायिकांच्या उत्पन्नावर व व्यापारावर विपरित परिणाम होत आहे.नळदुर्ग शहरातून अक्कलकोट तीर्थक्षेत्रासाठी जाणाऱ्या भाविक-भक्तांची संख्या लक्षणीय आहे. परंतु, हा मुख्य मार्ग बंद असल्यामुळे भाविकांना आणि सर्वसामान्य प्रवाशांना प्रचंड त्रास सहन करावा लागत आहे. त्यामुळे हा जुना राष्ट्रीय महामार्ग तातडीने वाहतुकीसाठी मोकळा करावा, अशी आग्रही मागणी होत आहे.

आंदोलनाला पाठिंबा, मान्यवरांच्या स्वाक्षऱ्या या निवेदनावर महाविकास आघाडीच्या प्रमुख नेत्यांच्या स्वाक्षऱ्या आहेत. यात डॉ. मिलिंद कांबळे (जि. प. सदस्य), मारुती खारवे (नगरसेवक),प्रशांत नवगिरे,बाळकृष्ण धायगुडे पाटील,सुशांत मोरे,संतोष पुदाले,सुधीर पोतदार(नगरसेवक), अनिल धनगे, इमाम शेख (नगरसेवक), आकाश कुलकर्णी, विश्वास रणे,सरदारसिंह ठाकूर यांचा समावेश आहे.

सदर निवेदनाच्या प्रती सहाय्यक पोलीस निरीक्षक नांगरे साहेब पोलीस ठाणे नळदुर्ग यांनाही देण्यात आल्या आहेत.शेतकरी संघर्ष समिती च्या वतीने या आंदोलनाला पाठिंबा जाहीर करण्यात आला आहे.प्रशासनाने यावर त्वरित सकारात्मक निर्णय न घेतल्यास नळदुर्ग परिसरातील जनतेला सोबत घेऊन तीव्र आंदोलन उभे केले जाईल, असा इशारा शिवसेना उ ब ठा नेते प्रशांत नवगिरे यांच्या वतीने निवेदनाच्या शेवटी देण्यात आला आहे.

लोकविचार सत्य शोधून लिहिण्याची ताकद संपादक अमजद सय्यद 8390088786