आंबेहोळ तलावात पोहण्यासाठी गेलेल्या धाराशिवच्या तरुण पाण्यात बुडाला?
धाराशिव | लोकविचार
शहरातील वैराग रोड परिसरातील फकीरा नगर येथील 25 वर्षीय तरुण अदनान अजीम काझी हा आज दुपारी एक ते तीन वाजण्याच्या सुमारास आंबेहोळ येथील तलावात मित्रांसोबत पोहण्यासाठी गेला असता तो तरुण पाण्यात बुडाला असल्याची प्राथमिक माहिती समोर आली आहे. तलावातील पाण्याचा अंदाज न आल्याने तो बुडाल्याची शक्यता व्यक्त केली जात असून सायंकाळी उशिरापर्यंत त्याचा शोध सुरू होता.घटनास्थळी तलावाच्या काठावर अदनानचे कपडे आढळून आले असून त्यानंतर परिसरात एकच खळबळ उडाली. जिल्हा आपत्ती व्यवस्थापन विभागाचे कर्मचारी, धाराशिव शहरातील स्थानिक नागरिक तसेच परिसरातील स्वयंसेवक बचाव व शोधकार्यामध्ये सहभागी झाले आहेत.अदनान काझी हा कुटुंबाचा उदरनिर्वाह करण्यासाठी ड्रायव्हिंगचे काम करत असल्याची माहिती मिळाली आहे. मागील वर्षी मुस्लिम समाजाच्या सामुदायिक विवाह सोहळ्यात त्याचा विवाह झाला होता. या घटनेमुळे कुटुंबासह संपूर्ण परिसरात हळहळ व्यक्त केली जात आहे.प्राथमिक माहितीनुसार अदनान मित्रांसोबत तलावात गेला होता. घटनेची अधिकृत माहिती व शोधमोहीमेचा अंतिम अहवाल प्राप्त झाल्यानंतर पुढील तपशील स्पष्ट होणार आहे.दरम्यान, या दुर्दैवी घटनेमुळे फकीरानगर परिसरात हळहळ व्यक्त केली जात आहे.
लोकविचार सत्य शोधून लिहिण्याची ताकद संपादक अमजद सय्यद 8390088786
