लोकशाहीर अण्णाभाऊ साठे नागरी दलित वस्ती योजनेला गती धाराशिव जिल्ह्यातील प्रस्तावांना लवकरच प्रशासकीय मान्यता
पालकमंत्री प्रताप सरनाईक यांच्या अध्यक्षतेखाली VC बैठक दलित वस्त्यांच्या विकासावर विशेष भर
धाराशिव | लोकमदत न्यूज
लोकशाहीर अण्णाभाऊ साठे नागरी दलित वस्ती योजनेअंतर्गत धाराशिव जिल्ह्यातील सर्व नगरपालिका व नगरपंचायतींकडून सादर करण्यात आलेल्या विकास प्रस्तावांना प्रशासकीय मान्यता देण्यासाठी महत्त्वपूर्ण बैठक पार पडली. ही बैठक पालकमंत्री प्रताप सरनाईक यांच्या अध्यक्षतेखाली व्हिडिओ कॉन्फरन्सिंग (VC) द्वारे आयोजित करण्यात आली.
बैठकीस धाराशिवचे जिल्हाधिकारी कीर्ती किरण पुजार, जिल्हा प्रशासन अधिकारी ढेंगळे पाटील, तसेच जिल्ह्यातील सर्व नगरपालिका व नगरपंचायतींचे मुख्याधिकारी आणि समाजकल्याण विभागाचे सहायक आयुक्त उपस्थित होते.
यावेळी पालकमंत्री सरनाईक यांनी विविध विकासकामांच्या प्रस्तावांचा सविस्तर आढावा घेतला. दलित वस्त्यांमध्ये मूलभूत सुविधा उपलब्ध करून देणे, रस्ते, पाणी, वीज, स्वच्छता यांसारख्या पायाभूत सुविधांचा विकास करणे आणि नागरिकांच्या जीवनमानात सुधारणा घडवून आणणे यावर विशेष भर देण्यात आला.
तसेच, सादर केलेल्या प्रस्तावांची अंमलबजावणी वेळेत आणि पारदर्शक पद्धतीने होण्यासाठी संबंधित अधिकाऱ्यांना आवश्यक त्या सूचना देण्यात आल्या. सर्व विभागांनी समन्वय साधून योजना प्रभावीपणे राबवावी, असे स्पष्ट निर्देश पालकमंत्र्यांनी दिले.
या योजनेच्या प्रभावी अंमलबजावणीमुळे धाराशिव जिल्ह्यातील दलित वस्त्यांचा सर्वांगीण विकास होऊन नागरिकांना मूलभूत सुविधा उपलब्ध होण्यास मोठी मदत होणार आहे.
लोकमदत न्यूज सत्य शोधून लिहिण्याची ताकद
संपादक अमजद सय्यद 8390088786
